Војник од Загреб е прогласен за виновен, а судот му изрече казна за навреда на Facebook кон припадниците на ЛГБТИ+ заедницата.
Според пресудата, 31-годишниот војник во јули годинава на својот Facebook профил ја споделил содржината на говорот на Бошко Обрадовиќ од српското Собрание за „ЛГТБ лобија“ и коментирал дека Обрадовиќ е „нормален“, дека хрватските политичари се „педерољупци“ и хомосексуалците се „изроди“ пренесува Index.hr.
Во судот тој истакна дека не се мислел на конкретно лице, туку сакал да го истакне фактот дека „овие луѓе се заштитени со закон како да се поларни мечки“.
„Со цел да создаде непријателска, понижувачка или навредлива средина врз основа на разликата во родовиот идентитет и сексуалната ориентација, го нарушил достоинството на граѓаните, со што направил повреда од Законот за сузбивање дискриминација“, се вели во пресудата.
Судот го казни обвинетиот со парична казна од 30.000 куни (околу 4.000 евра), а треба да плати и околу 1.500 куни за трошоците на прекршочната постапка.
Тужбата против војникот ја поднела Воената полиција на вооружените сили на Република Хрватска.
