Противникот на Реџеп Тајип Ердоган во претседателската трка во Турција, Кемал Киличдаролу, денеска со остар тон кон мигрантите, ветувајќи дека ќе ги врати сите мигранти назад во нивните земји кога ќе биде избран за претседател на вториот круг од изборите на 28 мај.
Говорејќи пред членовите на неговата партија во седиштето на Републиканската народна партија, Киличдаролу задржа пркосен тон против миграциската политика на Ердоган, објави Reuters.
„Ердоган, намерно дозволивте пристигнување на 10 милиони бегалци во Турција“, посочи тој.
„Дури и турското државјанство го ставивте на продажба за да добиете увезени гласови“, рече Киличдаролу, пренесува медиумот.
„Овде најавувам: сите бегалци ќе ги испратам дома кога ќе бидам избран за претседател, точка“, нагласи тој.
За време на кампањата, Киличдаролу рече дека планира да ги врати Сиријците од Турција, дома, во рок од две години откако се постигна договор со сирискиот претседател Башар ал-Асад за нивната безбедност во координација со ОН.
Киличдаролу, освои 45% од поддршката на изборите во неделата, додека Ердоган освои 49,5% од гласовите, малку помалку од мнозинството потребно за да се избегне вториот круг, пренесува медиумот.