Вчера Кина и Русија во Советот за безбедност на Обединетите нации ставија вето на воведувањето дополнителни санкции за Северна Кореја, откако таа земја лансираше балистички ракети при посетата на американскиот претседател на Јапонија.
Кина и Русија ставија вето на предлогот на САД за воведување дополнителни санкции на ОН за Северна Кореја поради лансирањето на балистички ракети, што јавно го подели Советот за безбедност на ОН за прв пат откако почнаа да се воведуваат санкции врз Пјонгјанг во 2006 година.
Останатите 13 членки на Советот гласаа за резолуцијата подготвена од САД со која се предлага забрана за извоз на тутун и нафта во Северна Кореја. Предлогот за резолуција, исто така, ќе ја стави на црна листа на хакерската група Лазарус, која е поврзана со Северна Кореја.
Гласањето дојде еден ден откако Северна Кореја истрела три проектили, вклучително и една за која се верува дека е нејзината најголема интерконтинентална балистичка ракета, по посетата на американскиот претседател Џо Бајден на Јапонија. Тоа беше последното во серијата лансирања на балистички ракети оваа година, забранети од Советот за безбедност.
Амбасадорката на САД во ОН Линда Томас-Гринфилд го опиша гласањето како разочарувачко.
„Светот се соочува со јасна и постоечка закана од Северна Кореја. Тишината и недостатокот на реакции на Советот за безбедност не ги елиминираа ниту ги намалија овие закани. Напротив, Северна Кореја е охрабрена“, рече Гринфилд.
Во изминатите 16 години, Советот за безбедност едногласно усвои санкции за Пјонгјанг во обид да го спречи финансирањето за развој на нуклеарно оружје и балистички ракети. Најстроги санкции беа воведени во 2017 година. Оттогаш Кина и Русија бараат ублажување на санкциите од хуманитарни причини.
Кинеските власти во неколку наврати побараа САД и Северна Кореја да продолжат со преговорите што тие земји ги започнаа во 2019 година.