Во 2021 година Кина успеа безбедно да го спушти роверот Zhurong на површината на Марс, а истовремено околу Црвената планета кружи нивниот орбитер кој испраќа фотографии со висока резолуција.
Кинеските државни медиуми соопштија дека леталото направило над 1.800 кругови околу Марс и така ја снимило целата планета, вклучително и Јужниот пол.
Во мисијата Tianwen-1 се вложени неколку милијарди евра и истата е еден од последните успеси на кинеската вселенска програма.
Меѓу бројните фотографии се наоѓа и приказ на Јужниот пол, каде се лоцирани големи резерви на вода, пренесе Reuters. Во текот на 2018 година, орбитална сонда на Европската вселенска агенција откри езеро. Научниците со децении трагаат по вода на планетите од Сончевиот Систем и надвор од него, бидејќи таа е предуслов за постоење на живот.
Покрај Јужниот пол, кинескиот ровер сними кањон долг 4.000 километри, како и кратер. На Земјата пристигнаа и сними од кратерот Маундер и вулкан висок дури 18 километри.
