Синоќа беа одиграни два натпревари од НБА лигата, во кои Кливленд и Бостон поведоа со резултат од 2:0 против Торонто и Филаделфија.
Леброн Џејмс одигра уште еден маестрален натпревар и го водеше Кливленд до втората победа во гости кај Торонто со резултат од 128:110.
Најдобриот играч на светот ја заврши средбата со 42 поени, 14 асистенции и 8 скокови, а одличен беше и Кевин Лов со 31 поен и 11 скокови.
Во редовите на Торонто ДеРозан беше најефикасен со 24 поени.
Бостон на свој терен ја совлада Филаделфија, а дури шест играчи на победничкиот тим запишаа двоцифрен број на поени.
