Тренерот на Ливерпул, Јирген Клоп, истакна дека не е задоволен од судењето по натпреварот во кој неговите момци одиграа 1:1 со Манчестер Сити во дербито во Премиер лигата.
Германскиот стручњак смета дека неговиот тим е оштетен за очигледен пенал, кога Џереми Доку во сопствениот шеснаесетник го удри Алекс Мек Алистер.
„Не знам што мисли човекот во ВАР собата. Што јадеше за ручек кога мислиш дека ова не е пенал. Не сум лут, но тоа беше очигледна ситуација“, изјави Клоп.
И покрај тоа, Германецот е задоволен од настапот на својот тим и покрај ремито, по кое Арсенал седна на врвот на табелата.
„Против Манчестер Сити ги одигравме најдобрите 53 минути досега. Се покажавме дека можеме да продолжиме“, изјави Клоп.
Инаку, на 10 кола пред крајот Арсенал и Ливерпул имаат по 64 бода и дефинитивно очекуваме драматичен крај на сезоната.
Тимот од Лондон има подобра гол разлика, додека бод помалку има Манчестер Сити.