Адвокатите на загинатиот пилот Ара Зобајан тврдат дека тој не е виновен за несреќата на хеликоптерот во која загинаа девет лица, меѓу кои и Коби Брајант, пишува CNN.
„Во судскиот документ се наведува дека сите повреди и штети настанале по вина на патниците кои биле свесни за ризикот“, соопшти братот на обвинетиот пилот кој почина во несреќата.
Во документот се наведува дека починатите патници биле свесни за ризикот од ова патување и за тоа не е одговорен пилотот.
Документот е одговор на тужбата од сопругата на Брајант, Ванеса, што нејзината адвокатка ја поднесе на 24 февруари, еден ден откако се одржа меморијална служба за познатиот кошаркар и неговата ќерка Џиана.
Ванеса за смртта на нејзиниот сопруг и ќерка, како и за останатите патници, ја обвини компнијата во чија сопственост е хеликоптерот и пилотот кој управувал со него.
Адвокатите на обвинетиот пилот истакнаа дека тој не влијаел ниту имал право да влијае на однесувањето на патниците и побараа обвинувањата да бидат отфрлени.
Во тужбите на претставниците на другите патници кои загинаа во несреќата, обвинета е компанијата, но не и пилотот.
