Оние кои одат во теретана после работа можеби ќе треба да го сменат распоредот.
Американско истражување на 5.825 средовечни возрасни покажа дека вежбањето помеѓу 7 и 9 часот наутро е најдобро време за слабеење.
Учесниците во студијата кои вежбале во тој период од денот, по седум дена, имале помал индекс на телесна маса (BMI) и помал обем на половината од луѓето кои вежбале попладне или навечер.
Учесниците беа поделени во три групи. Првите вежбале од 7 до 9 часот, вторите од 11 до 13 часот, а третите од 17 до 20 часот. За првата група се пријавиле 642 доброволци, за втората 2.400 и за вечерната 2.187. Просечниот BMI на учесниците од утринската група бил 25,9, што е малку над здравиот опсег кој се движи од 18,5 до 24,9. Попладневната група имаше просечен BMI од 27,6, а третата група имаше просечен BMI од 27,2.
Обемот на половината на учесниците во утринската група беше во просек 91,5 сантиметри, додека во попладневната група беше 95,8 сантиметри, а во вечерната група 95 сантиметри.
Научниците веруваат дека утринското вежбање би можело да биде најдобрата опција за оние кои сакаат да ги изгубат вишокот килограми, бидејќи полесно се придржуваат до распоредот, а луѓето имаат помала веројатност да бидат одвлечени од телефонски повици, е-пошта или состаноци. Резултатите се претставени во новиот број на списанието Obesity.
