Смоквата е сезонско овошје кое најмногу расте на Медитеранот, во лето и во рана есен. Може да се консумира свежа, сува или како џем во десерти и колачи.
Смоквите најмногу се состојат од вода, но богати се со јаглехидрати, витамини и минерали. Свежата смоква е богата со многу хранливи состојки, една смоква содржи 30 калории и тоа природни шеќери, јаглехидрати, магнезиум, бакар, калиум, витамин Б6 и витамин К.
Сувата смоква содржи повеќе шеќери, калории и влакна поради процесот на сушење.
Може ли консумацијата на смокви да биде опасно?
Ако се консумираат премногу смокви дневно, може да дојде до внесување на вишок калории и шеќери, па и до дебелеење. Може да се случи некои луѓе да бидат алергични на смоква, најчесто оние кои се алергични и на полен од бреза. На некои може да им смета и природниот латекс од стеблата.
Освен тоа, поради високите количини на витамин К, луѓето кои земаат лекови за разредување на крвта би требало да бидат внимателни со јадењето смокви.
Консумирањето премногу суви смокви можат да предизвикаат дијареја.
На крајот, смоквите се здраво овошје, но содржат многу шеќер и не треба со нив да се претерува. Некои луѓе се алергични на смокви, па потребно е да бидете внимателни кога ги консумирате.
Повеќе за придобивките од јадењето смокви може да прочитате овде.
