Се чини дека Хари Кејн ќе остане играч на Тотенхем откако неговиот клуб ја одби профитабилната понуда од Баерн.
Според информациите на Sky, Баерн му понудил на Тотенхем „фер и конечна“ понуда за Хари Кејн вредна преку 100 милиони евра со бонуси.
Сепак, шефот на Спарс, Даниел Леви, познат како еден од најтешките преговарачи во светскиот фудбал, ја одбил понудата.
Баварците се надеваа на брз одговор за да знаат што прават. Со други зборови, ако Леви дефинитивно ги одбие, ќе можат да започнат преговори со некои други напаѓачи.
Сега останува да видиме дали челниците на Баерн се „оладија“ од Кејн со ова одбивање или сепак ќе ја подигнат понудата уште малку.
Кејн, кому следното лето му истекува договорот, исто така сака статусот да се реши што е можно поскоро, по можност пред овој викенд кога ќе започне новата сезона во Премиер лигата. Дополнителна причина е што неговата сопруга треба да се породи за неколку недели и повеќе не може да патува.
