Руската Федерација ќе распореди околу 20 нови воени формации и војници долж западните граници до крајот на оваа година, како одговор на трансатлантските активности на НАТО, рече денеска министерот за одбрана Сергеј Шојгу.
Рускиот министер за одбрана изјави дека Соединетите Американски Држави и НАТО неодамна ја засилија воената активност во западна Русија, што бараше одговор од Москва.
„Активностите на нашите западни колеги го уништуваат безбедносниот систем во светот и нè принудуваат да преземеме соодветни противмерки“, рече Шојгу.
„Околу 20 воени формации и единици ќе бидат распоредени во Западниот воен округ до крајот на годината“, најави рускиот министер за одбрана.