Белата боја останува на светскиот трон како најпопуларен избор за надворешниот изглед на автомобилите.
На светско ниво, белата боја ја задржала водечката позиција во сите сегменти на возилата и се уште е избор број 1, покривајќи 40 отсто до вкупниот пазар, покажува годишниот извештај, кој го објави BASF.
Со црна, сива и сребрена, ахроматските бои и понатаму се најзастапени.
Како станува збор за хроматските бои, учеството на сина и црвена е речиси еднакво, а по нив следи кафеава нијанса. Она што може да се заклучи на глобално ниво, е дека колку е автомобилот помал, толку нијансата е повпечатлива.
Зголемената продажба и поголемиот избор на SUV модели, значително влијаеле на овогодинешните бројки.
И додека белата и црната доминираат во овие сегменти, црвена, сина, а посебно кафеава се појавуваат се почесто.
Што се однесува до бројките за Европа, ахроматските бои и понатаму се најпопуларни.
Околу 78 проценти од сите продадени автомобили во 2017 година биле со бела, црна, сива или сребрена нијанса, со што се продолжува досегашниот тренд.