Со зголемувањето на дневните температури сите бараме начини како да се освежиме во текот на летните горештини. Еве кои намирници треба да ги консумирате за да го освежите организмот.
Доматите содржат големи количини антиоксиданс познат како ликопен којшто штити од рак. Исто така содржат 94% вода, додека зелената сорта има 93% вода. Доматите може да ги јадете во секакви комбинации, како салата, во сендвич, како сос и слично. Лесно се вклопуваат во секојдневните оброци.
Дињата освежува и е одлична за гаснење на жедта. Има малку калории и висока содржина на вода (95%), што ја прави идеална намирница во текот на летото.
Лутите пиперки ги стимулираат рецепторите во устата што од друга страна предизвикува потење, а потењето помага во разладувањето на организмот.
Брокулата е здрав зеленчук богат со влакна што е добро за дигестивниот систем и контрола на шеќерот во крвта. Брокулата содржи дури 91% вода.
Краставиците се идеален избор на храна во текот на летото бидејќи содржат вода којашто му помага на телото да се разлади. Содржат 95% вода и најдобро е да се јадат во салата или како ужина за најмалите.