Веќе две децении Американците се најголемите фанови на јапонските автомобилски брендови, но и останатите азиски производители котираат многу високо на листите на популарност. На Балканот најмногу се пребаруваат германски автомобили, додека Tesla полека стигнува во центарот на вниманието.
Љубителите на автомобили ширум светот во 2017 година на интернет најмногу ги пребаруваа моделите на јапонскиот производител Toyota – оваа марка месечно ја пребаруваа во просек преку 7,8 милиони луѓе.
Toyota е најпопуларниот произведувач на автомобили во светот, на што укажува и фактот дека овој бренд беше најпребаруван во 57 од 171 земја опфатени во истражувањето кое го спроведе осигурителната компанија Vejgo. Toyota владее на најголемите пазари: САД, Канада, Австралија, Јужна Африка, Нов Зеланд, како и кај голем дел од земјите на африканскиот континент.
Од друга страна, по малку зачудувачки, Јапонците најмногу се интересираа за BMW. По Toyota, BMW е „најгугланата“ марка на автомобили во светот. Германскиот производител е прв на листите за пребарување во 25 земји, додека веднаш зад него е уште една германска компанија – Mercedes, кој е прв во 23 земји.
Најголем интерес за BMW покажаа корисниците од Македонија, Србија, Албанија, Црна Гора, Босна и Херцеговина, но и во некои од земјите во Африка и Азија. Mercedes е најпребаруван во Германија, додека најголемите светски пазари – Русија и Кина најмногу ги пребаруваа Hyundai и Tesla.
