Според датумот на раѓање се одредува кој знак сте во египетскиот хороскоп.
Египетскиот хороскоп се состои од 12 знаци, различни од класичната западна астрологија. Секој знак има одредени карактеристики, вредности и особини, но три знаци се издвојуваат по нивната среќна судбина, храброст и квалитетни особини.
3 најсреќни знаци според египетскиот хороскоп:
(родени од 1 до 7 јануари, од 19 до 28 јуни, од 1 до 7 септември и од 18 до 26 ноември)
Нил е првиот знак на египетскиот хороскоп и претставува нов почеток и позитивни животни промени. Овој знак е симбол на плодност и успех, а луѓето кои го носат имаат многу мирна енергија и природа. Нивната предност е што негуваат самољубие. Не сакаат конфликти и секогаш се трудат да го зачуваат мирот околу себе. Тие често се водени од страста, но колку што се страсни, тие се и мудри. Тајната на нивниот успех е во тоа што тие вешто го набљудуваат светот околу себе и тоа искуство го користат за да ги планираат своите активности во иднина. Тие се многу практични, но и паметни. Имаат развиена харизма и лесно привлекуваат луѓе околу себе. Сакаат материјална сигурност и заслужени награди, но веруваат и дека помагањето на другите е предуслов за добар живот.
(родени од 12 до 28/29 февруари и од 20 до 31 август)
Според легендата, Геб бил древниот египетски бог на земјата, а луѓето родени во овој знак имаат добро срце, емотивни се и секогаш се во контакт со чувствата и потребите на другите луѓе. Тие се многу интуитивни и внимаваат на личниот духовен развој, па понекогаш, толку замислени и мистични, може да изгледаат како да се затворени во себе. Заштитнички се настроени, а нивната харизма и дарежливост ги прават идеални партнери во љубовта. Генерално имаат богат социјален живот, добри односи со семејството и пријателите. Иако се многу чувствителни, знаат да ја задржат присебноста и тактичноста. Во својата кариера, тие ја комбинираат духовната свест со интелектот, а најмногу им одговараат работи поврзани со пишување, предавање и советување.
(родени од 20 април до 7 мај и од 12 до 19 август)
Во древната египетска митологија, Хорус ги симболизира ѕвездата и небото и е симбол на соколот. Родените во овој знак се многу храбри и подготвени да ризикуваат. Имаат многу харизматична личност и се мотивирани од успехот и испробувањето нови работи. Не дозволуваат стравот од неуспех да ги спречи да ги остварат своите соништа. Тие се оптимисти и се трудат да ја исполнат сопствената мисија во животот. Тие се лидери кои се добри во мотивирање и инспирација на другите. Имаат многу енергија која ја вложуваат во своите амбиции и семејството. Имаат љубезна, нежна природа и се трпеливи слушатели. Лесно можат да дојдат до решенија за многу предизвици и како пријатели се идеални советници. Ја сакаат сигурноста и ќе направат сè што е потребно за секогаш да ја имаат.
