Кој дел од денот да го одберете за најефикасен тренинг е прашање што ги заинтересира и научниците.
Секако, мислењата се поделени.
Лара Карлсон од Универзитетот Њу Ингланд вели дека многу истражувања одат во прилог на утринското вежбање.
„Има истражувања што покажуваат дека ‘утринскиот тип на луѓе’ имаат понизок крвен притисок во текот на денот и подобро спијат ноќе“, вели професорката Карлсон.
„Луѓето кои вежбаат наутро долгорочно гледано повеќе се придржуват до режимот на вежбање“, додава Стивен Бол, професор на Универзитетот на Мичиген.
„Многу луѓе сметаат дека треба убаво да се наспијат, за да се разбудат одморени и подготвени за вежбање. Со тоа само одолговлекуваат. Почнете да вежбате наутро иако не сте наспани. Така ќе го уморите телото и навечер ќе легнете порано на спиење“, советува Сара Селерс, инструкторка која почнува со тренинзи во 4 наутро.
Од друга страна, други истражувања покажуваат дека е подобро да се вежба попладне. Списанието Journal Of Sports Science објави текст во кој вели дека луѓето кои вежбаат меѓу 16 и 20 часот имаат поголема сила во споредба со луѓето кои вежбаат во друг период од денот.
„Поверојатно е дека ќе донесам здрав избор како пиење вода и вежбање наместо да се опуштам пред телевизор со чаша вино“, вели Џенифер Индиг, која вежба веднаш после работа, а потоа се тушира и има енергија да си поигра со нејзините деца.
Заклучокот на научниците и инструкторите е: вежбајте кога ќе имате време и согласно вашиот личен биоритам. Најважно е да не пропуштате тренинг.
