Човекот, за кој се тврди дека му удри шлаканица на францускиот претседател Емануел Макрон, немал криминално досие и води клуб за љубители на средновековно мечување.
Полициски извори го идентификуваа 28-годишниот Дамјан Тарел којшто сега е под истрага поради напад на претседателот, пренесе Reuters.
Макрон, којшто се наоѓа на турнеја низ земјата, доби шлаканица во текот на прошетка во јужна Франција, додека ги поздравуваше граѓаните.
Тарел и уште еден маж се во полициски притвор. Обвинение за напад на јавен службеник предвидува максимална казна затвор во траење од три години и парична казна од 45.000 евра.
Претседателот Макрон за инцидентот изјави дека станува збор за изолиран настан.
„Не смееме да дозволиме ултранасилните луѓе да ги преземат јавните дебати. Тие не го заслужуваат тоа“, изјави Емануел Макрон.
