„Главниот знак за алкохолизам е негирање на фактот за неодоливата потреба за алкохолни пијалаци“, вели заменик-министерот за здравство на Русија, Олег Салагај, во радио емисијата „Говорит Москва“.
Според него, експертите од областа на медицината овој знак го нарекле агнозија.
„Не зависам од него, сакам алкохол и го пијам“, наведува заменик-министерот дека ова се зборовите што алкохоличарите најчесто ги изговараат.
„Во исто време, тие не сакаат да признаат дека им е потребна стручна помош за да се ослободат од оваа лоша навика“, додава тој.
Претходно, Салагај изјави дека Русија не е земјата во која луѓето пијат најмногу, напротив, употребата на алкохол се намалува. Тој, исто така, изјави дека потрошувачката на алкохол во Русија во периодот 2014-2017 година била најниска во Европа и изнесуваше околу 0,83 литри алкохол по лице.
Алкохолизмот е хронична и ментално прогресивна болест која има социо-медицински последици. Се карактеризира со голема желба за алкохол, како и ментална и физичка зависност од него. Алкохолизмот е проследен со губење контрола врз консумирање алкохол, зголемена толеранција кон алкохол (зголемување на дозата потребна за да се постигне задоволство), синдром на апстиненција, токсичност на органите, како и губење на меморијата за настаните што се случиле во периодот на пијанство.
