Мелани Хемрик (34) е во врска со Мик Џегер (78) од 2014 година, а две години подоцна се најде во центарот на вниманието кога стана мајка на неговото осмо дете, синот Деверо.
Мелани е родена во Вилијамсбург, Вирџинија, а почнала да танцува во Школата за изведувачки уметности во Источна Вирџинија. Потоа продолжила да игра во Вашингтон на балетската академија Киров.
Откако нивната врска стана јавна, парот често може да се види на приватни излегувања, но и на деловни настани. Иако нејзиното име се појавува на насловните страници главно поради романсата со пејачот на „Ролинг стоунс“,Мелани има свои таленти.
Мелани направи пауза од својата балетска кариера додека беше бремена со бебето на Мик, но заработуваше со тоа што беше балерина, дури и танцуваше за Американскиот балетски театар. Почнала да танцува кога имала само три години, а првиот договор со АБТ го добила на 17 години. Таа се пензионираше во 2019 година, по 15 години, и се фокусираше на улогата на мајка.
Пред да го запознае Мик, Мелани беше свршена со колегата балетан Хозе Карен. Меѓутоа, кога во 2013 година кога тој прифатил да го режира балетот Сан Хозе, врската беше прекината по шест години.
Американскиот балетски театар беше на турнеја во Токио во исто време со „Ролинг стоунс“ во февруари 2014 година. Мик ја забележал Мелани како се дружи со нејзините пријатели зад сцената.
Ја поканил на вечера, по што почнале да поминуваат повеќе време заедно. За жал, долгогодишната девојка на Мик, Лорен Скот почина во март истата година, но до јуни истата година Мелани и фронтменот на „Ролинг стоунс“ веќе почнале да се гледаат.
Да се биде со Мик Џегер има свои предности - музичарот ѝ купил куќа во Њујорк за 7 милиони долари, во октомври 2016 година.