Има храна што треба да се избегнува по секоја цена ако сакате рамен стомак.
Постојат многу фактори кои можат да влијаат на таложењето на маснотии во стомакот - недостаток на сон, пиење газирани пијалоци, јадење „од нога“ и многу други. Меѓу нив е одреден вид храна која е многу популарна.
Според нутриционистот Тристи Бест, главниот виновник за маснотиите во стомакот е преработената храна, особено грицките како чипс, леб и пекарски производи.
„Храната и хранливите материи што ги внесуваме стануваат дел од нас на клеточно ниво, а погрешните хранливи материи можат да предизвикаат гасови, надуеност, зголемување на телесната тежина и други негативни последици од неурамнотежената исхрана. Една од главните причини за акумулација на маснотии во стомакот е исхраната базирана на преработена храна. Главната причина зошто е тешко да се изгубат килограмите што ги добиваме од преработената храна е тоа што таа најчесто се состои од преработени јаглехидрати и шеќери“, вели Бест.
Имено, едноставните преработени јаглехидрати му служат на телото како брз извор на енергија, но телото лесно ги разложува и ги складира како маснотии. Покрај тоа, тие предизвикуваат ненадеен пораст на нивото на гликоза во крвта, и затоа многу брз и ненадеен пад на истото што предизвикува глад брзо откако ќе јадете.