Читателите на реноминираниот њјурошки магазин за патувања Condé Nast Traveler ја избраа Виена за најдобра европска туристичка дестинација.
Во оваа анкета спроведена оваа година учествувале повеќе од 300.000 љубители на патувања.
Ова било најголем број на учесници во ваква анкета во досегашната 30 – годишна историја на оваа награда.
Виена го освоила првото место благодарение на своето богато културно наследство и архитектура, а придонес дала и единствената кулинарска понуда, во која посебно се истакнува познатата захер торта.
Второто место на оваа листа и припадна на Фиренца, а Бриж се најде на третата позиција.
Магазинот Condé Nast Traveler има тираж од 800.000 примероци.
Од 1987 година годишно ги анкетира своите читатели во врска со најубавите туристички дестинации, хотели и спектакуларни знаменитости во светот.
Покрај рангирањето за најдобар европски град, постои и светска ранг – листа, на која Виена го освоила второто место, а победата ја однел Токио.