Инфекцијата со коронавирусот SARS-CoV-2 веќе стана нормална работа и во таа смисла се поставуваат многу прашања. Едно од нив е колку брзо може повторно да се заразите?
Болеста COVID-19 е предизвикана од вирусот SARS-CoV-2 кој досега мутираше во различни варијанти и соеви, но во иднина не може да исклучат нови мутации.
Повторната зараза со овој вирус е можна доколку не ги почитувате препораките за превенција од зараза со коронавирусот. Од многуте превентивни мерки, најефикасни се носењето маски и честото миење раце.
Што е реинфекција со коронавирус?
Кога некој ќе се зарази повеќе од еднаш, тогаш станува збор за реинфекција со вирусот.
„Реинфекцијата со вирусот кој предизвикува COVID-19 значи дека таа личност била заразена, закрепнала и подоцна повторно се заразила. По закрепнување од COVID-19 повеќето луѓе имаат некој вид заштита од повторно заразување, сепак, реинфекциите се појавуваат“, велат од американскиот Центар за контрола и превенција на болести (CDC).
Колку брзо може да дојде до реинфекција?
Иако не постои дефинитивен одговор на ова прашање, според последните податоци добиени од истражување се покажа дека три месеци од прележаната болест не е потребно повторно тестирање на лицето освен ако не покаже симптоми на COVID-19.
Друго истражување покажа дека повеќето луѓе се заразуваат без разлика на тоа дали имаат или немаат симптоми, произведуваат антитела и клетки кои се борат против вирусот. За оние кои закрепнале шансите за реинфекција се многу мали во првите три месеци по иницијалната зараза.
„Ако сте имале блага зараза и не сте имале добар имунолошки одговор, но се изложите повторно на голема количина на вирусот, дефинитивно е возможно повторно заразување“, вели д-р Томас Русо, професор и шеф на катедра за инфективни болести на Универзитетот Бафало во Њујорк.