Низ текот на целата година сте зафатени со работа и обврски, па не можете да отидете на одмор туку-така. Но кога веќе ќе бидете спремни за да одите на одмор, дали треба да отидете на еден подолг одмор или на неколку пократки?
Без разлика како планирате да ги потрошите деновите за одмор, битно е тие да бидат искористени за квалитетно да се одморите и да можете да продолжите со работа откако ќе се вратите.
Деветгодишно истражување објавено во магазинот Psychosomatic Medicine вели дека луѓето кои не земаат барем еден одмор годишно имаат поголем ризик од кардиоваскуларни болести.
Кога и колку одмор треба да земете? Тоа зависи од неколку фактори. Колку слободни денови имате, во какви активности уживате, дали имате големо семејство или не и уште неколку други варијабли. Затоа, не постои совршена формула, но постојат неколку опции кои сите треба да ги пробаат.
Горенаведената студија предлага да не ги користите сите денови за одмор наеднаш, туку да пробате да ги поделите на еднакви интервали. Така, секогаш ќе имате на што да се радувате бидејќи цело време ќе бидете во исчекување на следниот одмор.
Најдоброто време за планирање на одмор е кога ќе почувствувате дека ќе ви затреба. Избегнете планирање на одмор кога воопшто не чувствувате потреба за тоа, или кога сметате дека ќе ви штети во останатите планови.