Иако многумина од нас редовно ја чистат бањата, има предмети на кои целосно забораваме. Тоа може да биде опасно поради можноста за ширење на бактерии.
Докторот Мајкл Шмит изјави за магазинот Everyday Health дека меѓу најчестите патогени кои се наоѓаат во бањите се норовирусите (група вируси кои предизвикуваат стомачен грип или гастроентеритис) и риновируси (најчести причини за настинка).
Влагата во бањата е погодна за мувла, која може да предизвика алергии и да ги влоши симптомите на астма. Важно е да се обрне внимание на видот на производот за чистење што го користите. Производите за чистење ја отстрануваат видливата прашина, додека средствата за дезинфекција како водород, алкохол и белило ги убиваат бактериите.
Треба да го чистите тушот еднаш неделно, како и завесата за туширање. Менувајте ја завесата на секои 6 месеци. Дезинфицирајте ја тоалетната школка на дневна или неделна база.
Чистете го мијалникот еднаш неделно. Измијте ги крпите по три до пет употреби. Чистете ги простирките во бањата еднаш неделно и по потреба заменете ги.
Многумина од нас забораваат да ги исчистат прекинувачите за светло и рачките на вратите, кои исто така се клучни виновници за ширење на бактерии. Секојдневно бришете ги со средство за дезинфекција.
