Настинката е всушност доста честа појава, а возрасните во просек заболуваат од две до три настинки годишно, пренесува Women's Health.
Сепак, многу луѓе сè уште не го знаат точниот одговор на прашањето колку долго се всушност заразни кога ќе настинат.
„Настинката е вирусна инфекција на горниот респираторен тракт што може да биде предизвикана од голем број различни вируси“, вели лекарот од семејната медицина Ејми Зак. Бидејќи настинките се вирусни, единствениот начин за лекување на настинката е да се одморите, да останете хидратирани и да јадете храна која го поддржува здравјето на имунолошкиот систем.
Зак нагласува и дека антибиотиците не ја лекуваат настинката.
„Ако се разболите, може да ги развиете следните симптоми - болно грло, течење на носот, блага кашлица, кивање, слабост, губење на апетит и болки во телото“, додава лекарката и специјалист за заразни болести Патриша Куто.
Кога станува збор за времетраењето на инфекцијата, одговорот може да ве изненади.
„Секој со настинка може да биде заразен додека има симптоми, а тој период во повеќето случаи е една или две недели. Исто така, истражувањата ни покажуваат дека најдобро е да почекате најмалку 72 часа откако симптомите ќе престанат пред да одите меѓу луѓе, бидејќи во спротивно многу лесно би можеле да ги заразите“, додава Зак.