Колку напреднаа автомобилите во последната деценија на полето на безбедноста? Најдобро е ова да се објасни со практичен пример.
Американскиот институт за безбедност на патиштата (IIHS) е американско здружение слично на EuroNCAP во Европа, и неговата примарна цел е да ја подобри безбедноста на патиштата. Адријан Лунд работи во IIHS повеќе од 30 години и особено ги надгледуваше подобрувањата на безбедноста на возилата во последните две децении. Тој беше претседател на IIHS од 2006 до 2017 година.
Иронично, на крајот, тој на свој пример почувствува колку се важни напорите на неговата организација, но и на сите други кои инсистираат на подобрување на безбедноста. Во видеото објавено од IIHS, Лунд се сеќава што се случило кога доживеал судир во неговиот BMW 540i од 2020 година.
Лунд процени дека возел околу 100 км/ч на автопатот 95. Тогаш одеднаш пред него одеднаш се појавило BMW 228i од 2016 година, возејќи во погрешна насока и го удрило фронтално.
„Да се случеше оваа несреќа пред 10 години, веројатно немаше да разговарам со вас сега“, вели Лунд во видеото.
Во несреќата Лунд бил повреден, но преживеал. За жал другиот возач не преживеал, се работи за 29-годишна жена која полукружно свртела на автопатот и тргнала во погрешен правец. Излетала од возилото бидејќи не носела појас.
Специјални зони за апсорпција на судир, поцврсти материјали, воздушни перничиња... Сето ова помага денес.
Имајте предвид дека и несреќниот возач возел најмалку 100 km/h и дека силата на судирот била страшна. Се проценува дека силата на судирот била како возачот да удрил во пречка со брзина од 160 km/h.
