Медот во комбинација со други природни состојки е познат како природен и корисен препарат кој го чува имунитетот.
Ренот е одличен сојузник во борбата против настинката и бронхитисот, бидејќи содржи глукозинолати, соединенија кои ги разредуваат густите секрети и го олеснуваат нивното исфрлање.
Медот е одличен и поради неговото антисептично и благотворно дејство. Медот од липа е познат во лекувањето на бронхијални проблеми и настинки.
Направете природен лек со мешање на две шолји мед, половина шолја рендан ѓумбир и половина шолја рендан рен. Оставете ја смесата да отстои две недели, а потоа, доколку кашлате, јадете по една лажица секое утро. Доколку смесата не можете да ја јадете поради силниот вкус, ставете една лажичка во чај и испијте.
Друг народен лек често се препорачува за чистење на бронхиите (особено се препорачува за пушачи):
Направете мешавина од мед, рендан рен и рендан морков во сооднос 1:1:1. Значи, ако ставате 100 грама мед, додадете исто толку рен и моркови. Измешајте и можете веднаш да консумирате, за почеток една лажичка.
Ако го користите веднаш, внимавајте бидејќи ренот има силен вкус, но по неколку дена медот го извлекува лутото и смесата станува блага.