Дознајте зошто треба да го пофалите однесувањето на децата, а не нивниот изглед и како тоа може да им помогне во текот на училишниот ден.
„Ако сте мајка како мене, тогаш сакате да им давате комплименти на децата. Фразите од типот леле, колку си сладок и какво згодно момче си ти ги изговараме многу спонтано. Да бидеме искрени, кој не сака да слушне дека има најубави очи во светот? Комплиментите фокусирани на изгледот можат да бидат забавни и симпатични на прв поглед, но важно е родителите да пронајдат и други начини за да им упатат комплименти на децата, особено кога станува збор за квалитетен почеток на училишната година“, советува Емили Клајн за сајтот BabyChick.
Комплиментите основани на детското однесување можат да ги поттикнат децата да се поправат и размислуваат за тоа како самите се одговорни за нивното однесување.
Истражувањата покажуваат дека комплиментите можат да бидат корисни на децата за мотивација, соработка, упорност и одговорно однесување.
Како воспитувач, потенцира авторката, знам дека учениците напредуваат кога добиваат пофалби новани на нивното однесување.
Кои идеи за комплименти ги одделува таа?
1. Многу си вреден.
2. Ми се допаѓа колку се трудиш кога учиш нешто ново.
3. Секогаш прави се најдобро што можеш.
4. Знаеш како да се фокусираш и добро да ја завршиш задачата.
5. Кога бараш помош, покажуваш дека сакаш повеќе да научиш.
6. Одлично ги решаваш проблемите.
7. Сакам да видам колку си одлучен да ги исправиш твоите грешки.
8. Никогаш не се откажувај, дури и кога работите ќе станат тешки.
9. Секогаш прави го твојот дел од задачата кога работиш во група.
10. Многу е интересно кога те гледам како самоуверено се соочуваш со предизвикот.
1. Ти си добар и љубезен другар.
2. Многу сакам кога им зборуваш убави работи на другите.
3. Знаеш што да кажеш кога некој околу тебе е тажен.
4. Сакам кога им помагаш на другите со насмевка.
5. Ми се допаѓа како ги инспирираш другите да ја направат вистинската работа.
6. Многу ми се допаѓа кога ги усреќуваш другите со твојата насмевка.
7. Знаеш како нежно да ги водиш другите.
8. Твоето одделение е многу среќно што има другарче како тебе.
9. Благословена сум што имам толку умно дете.
10. Ми се допаѓа што секогаш ги делиш твоите играчки/работи со другите.
Постојат два различни начини да пристапите со одбран комплимент. Можете да го охрабрите однесувањето на детето или може да го охрабрите однесувањето во кое би сакале вашето дете да се поправи.
Од мала победа може да направите голема работа и со охрабрување да му помогнете таквото однесување детето да го развива.
