Посетителите на Тајланд отсега ќе можат да го поминат задолжителниот карантин во траење од две недели на јахти или на брод во Пукет, омилената туристичка дестинација во Тајланд.
Тајландската влада се надева дека иницијативата ќе донесе приход од околу 58 милиони американски долари, пренесува BBC, додавајќи дека овој потег има за цел да ја оживее туристичката индустрија во земјата погодена од пандемијата.
Оваа земја во Југоисточна Азија многу се потпира на приходите од туризам, а програмата за карантин на јахти им овозможува на туристите кои имаат негативен тест за коронавирус да поминат време на карантин на јахтата. Се очекува дека туристите ќе ги пополнат капацитетите на сто јахти.
Бројот на туристи во Тајланд е намален од повеќе од 40.000 на ден на само неколку стотици, поради пандемијата на COVID-19.
Се очекува во програмата да бидат вклучени стотина јахти, а патниците ќе мора да носат паметна нараквица што ги контролира виталните параметри како што се температурата на телото и крвниот притисок и ја следи локацијата на лицето преку GPS.
