Се зголемуваат цените на нафтата на светските берзи, а се очекува поголема побарувачка по вакцинациите.
Цената на нафтата денеска се покачи подгреана од надежите дека побарувачката ќе се зголеми со почетокот на вакцинацијата против COVID-19.
Велика Британија започна со вакцинации оваа недела, а Соединетите Американски Држави најавија дека ќе почнат со имунизација против коронавирусот за време на викендов.
Канада ја одобри својата прва вакцина вчера и соопшти дека првите дози треба да пристигнат на почетокот на следната недела.
Во Лондон цената на сировата нафта Брент од Северното Море порасна за 2,05 долари или 4,2 проценти на 50,91 американски долари за барел.
Во Њујорк цената на лесната сирова нафта е повисока за 2,03 долари или 4,5 проценти и изнесува 47,55 долари за барел.
