Леќата е вистинска суперхрана која треба да ја имате на менито барем еднаш неделно, а особено е корисна во зимскиот период кога на организмот му треба дополнителна заштита.
По боја, леќата може да биде жолта, портокалово-црвена, зелена, кафеава или црна.
Леќата содржи растителни влакна, фолна киселина, витамин B1 и минерали. Црвената (или розова) леќа има пониска концентрација на влакна од зелената (11% наспроти 31%). Важи за мошне добар извор на железо. Една шолја сварена леќа задоволува преку половина од дневната потреба од железо кај човекот.
Бидејќи леќата има мали количества на лесносварлив скроб (5%), а доста бавносварлив скроб (30%), таа е особено погодна за лица со дијабетес. Останатите 65% се отпорен скроб од класата RS1, кој е висококвалитетен отпорен скроб со 32% амилоза.
Протеините од леќата содржат есенцијални аминокиселини изолеуцин и лизин поради кои е вреден извор на белковини. Леќата има 353 калории во 100 грама. Кога се вари има енергетска вредност од 230 калории во 100 грама. Во сува состојба (во 100 грама) содржи 60 грама јаглехидрати (31 грам влакна), 26 грама белковини, еден грам маст, 10 грама вода.
Од витамините, леќата е богата со витамин B1 и B9, а од минералите содржи големи количини на железо, магнезиум, фосфор, манган, цинк и калиум.
Позајмете инспирација за вашиот следен оброк со леќа од овие рецепти: