Британската кралица Елизабета Втора има голем број подготвени говори за најразлични светски настани, што подразбира и говор во случај ако дојде до трета светска војна.
Оваа верзија на говор е напишана во 1983 година, во време на Студената војна, а во јавноста стана достапна во 2013 година, кога беше објавена од Националната архива на Велика Британија.
Одредени делови на говорот се застарени, но се смета дека неговата суштина ќе биде користена ако дојде до нова војна.
BBC го објави говорот во целост:
„Никогаш не ја заборавив тагата што ја чувствува додека го слушав татко ми тој кобен ден во 1939 година како зборува дека почна Втора светска војна. Не ни помислив дека еден ден и јас ќе мора да го кажам истото. Меѓутоа, какови ужаси да не чекаат, тоа што ни помогна да ја сочуваме нашата слобода двапати во текот на овој век, ќе ни помогне повторно да преживееме.
Сите знаеме дека сега се соочуваме со опасности поголеми од претходно. Непријателот не е војник со пушка нити авијатичар кој лета над нашите градови и села, туку злоупотребена технологија која има смртоносна моќ.
Затоа мојата порака до вас е едноставна , помогнете им на оние кои не можат да си помогнат, бидете им утеха на осамените и бездомниците. Вашето семејство нека даде надеж на оние на кои им е потребна. Додека заедно се бориме против злото, да се помолиме за нашата земја и за луѓето со добра волја, каде и да се. Бог нека ве благослови“.
