Ретко кој кралски настан во последно време може да помине без кршење на правилата.
Најчесто станува збор за забрани кои нам ни се смешни, но правила се правила и треба да се почитуваат.
Откако Меган Маркл стана војвотка, се чини дека поранешната актерка правилата на кралското семејство ги крши речиси во секоја прилика, меѓутоа не е единствената која го прави тоа.
Во кршењето на едно правило сепак се чини дека „води“ војвотката од Кембриџ, Кејт Мидлтон, а станува збор за носење на дијамантски накит преку ден.
Имено, како што пренесува порталот „In Style“, според кралските правила до 18 часот смеат да се носат бисери, различни метали (злато, сребро) и сличен накит. Дури после 18 часот се дозволени суптилни дијаманти, кои не смеат да бидат впечатливи.
Кејт ова правило го крши секојдневно, бидејќи најчесто ја гледаме со дијамантски обетки, а Меган исто така обожава да носи мали дијамантски обетки, кои и ги подари кралицата Елизабета Втора.
Инаку, постојат и две исклучоци за ова, според многумина, бизарно правило.
Имено, ако станува збор за венчален прстен или некаков верски накит (овде се мисли на накит кој членовите на кралското семејство го добиваат при примање на сакрамент), тогаш е дозволено да се носи тој накит во кој било период од денот и за која било прилика.
