Најстарите закони за развод кои се пронајдени се напишани на глинени плочи во античка Месопотамија.
Формално или неформално, човечкото општество низ времињата има направено правила за поврзување и разделување на паровите.
На пример, Инка паровите почнувале заеднички живот преку пробно партнерство, но мажот имал право да ја прати партнерката дома. Но, штом еднаш бракот бил формализиран, немало излез од него.
Во ова интересно видео на Ted-ED ќе дознаете интересни факти за тоа како луѓето низ минатото минувале низ развод. Разводот со себе носи многу прашања за индивидуалните права, правата на жените, улогата на црквата и државата, општествените уредувања и слично.
Слушнете како Род Филипс ја раскажува комплицираната историја на разводот, од најрано познатите закони за развод во античка Месопотамија па до денешен ден.