Поставување полици, бојадисување ѕидови или менување на светилки; со малку умешност, можете сами да извршите ситни работи за реновирање на вашата куќа или стан. Меѓутоа, во Германија има строги прописи за одредени проекти - некои електрични работи мора да ги врши специјалист.
Со оглед на трошоците за носење мајстор, многу луѓе сакаат сами да користат алати и четки и на тој начин без многу мака да ги извршуваат овие работи во домаќинството.
Меѓутоа, кога станува збор за Германија, сите работи навистина не можат да ги вршат само приватни лица или лаици. Важат строги законски прописи, особено за електрични инсталации, кои дефинитивно треба да ги почитувате.
Постојат причини зошто на приватните лица им е забрането да поставуваат електрични инсталации. Марен Корнилс од Здружението на германски претприемачи во областа на електричната и информатичката технологија (ЗВЕХ) објаснува за t-online.de дека постои зголемена можност за ризик и опасност дури и при навидум едноставни задачи, како што се инсталирање и вадење приклучници или светилки.
Електричните инсталации, како што е монтажа на штекер или поврзување на таванско осветлување е нешто за што треба да ангажирате специјализирана компанија.
