Огромен замок во Франција, со богати градини и неколку помошни куќички, ќе биде понуден на аукција, пренесува Daily Mail.
Шато де Бланкафорт изграден е со кули во римски стил во долината Лоаре 1453 година, а барокната фасада му е додадена два века подоцна.
Станбениот дел зафаќа површина од 2.000 квадратни метри, вклучува и шест спални соби, библиотеки и голем вински подрум.
Иако неговата вредност се проценува на 4.95 милиони евра, имотот во теорија на 19 октомври би можел да биде купен за само едно евро.
На површина од 167.000 метри квадратни се наоѓаат градини, градинарска куќа, чајџилници и гостинска куќа.
„И покрај неговите огромни димензии, овој замок навистина остава впечаток на топол дом“, изјави Вилијам Мекинтош, менаџер за продажба на аукциската куќа Concierge Auctions.
„Сегашните сопственици навистина се грижеа за замокот во последните 30 години колку што го поседуваат, така што купците би можеле веднаш да се вселат, што е вистинска реткост кога се во прашање раскошни имоти постари од 600 години“, заклучи Мекинтош.