Косовскиот премиер Албин Курти денеска се обрати до јавноста преку социјалната мрежа Х.
„Врз основа на одземените документи, косовската полиција потврди дека терористичкиот напад бил дел од поширок план за анексија на северот на Косово преку координиран напад на 37 позиции“, изјави Курти и додаде: би следело формирање на коридорот кон Србија за да се овозможи снабдување со оружје и војници.
Поранешниот потпретседател на партијата Српска листа, Милан Радоичиќ, минатата недела потврди дека го организирал нападот. Тој негира дека имал поддршка од властите во Белград.