Минатата година беше рекордна за Lamborghini – компанијата продаде повеќе од 10.000 автомобили за прв пат во својата историја.
Lamborghini оствари приход од 2,66 милијарди евра, што е највисок во една година од постоењето на компанијата, односно 12,1 отсто повеќе од 2022 година.
„Lamborghini продолжува да урива рекорди, постојано и во различни области, една по друга. Тоа значи дека нашите одлуки и визија беа правилни и придонесоа за растот на компанијата", изјави Стефан Винкелман, директор на Lamborghini.
Финансискиот директор Паоло Пома рече дека растечкиот приход помогнал да се зголемува оперативната маржа секоја година од 2017 година. Минатата година е забележан процент на добивка од 27,3 отсто, што значи дека оперативната маржа била 723 милиони евра. Ова е првпат компанијата да го надмине прагот од 700 милиони евра.
„Во 2023 година повторно забележавме финансиски и деловни перформанси без преседан, што не позиционира како еден од клучните светски играчи на луксуз. Меѓу другото, ова ни овозможува оптимистички да гледаме во иднината и да ги планираме следните чекори на нашите долгорочни раст“, рече Пома.
Lamborghini со нетрпение ја очекува оваа година кога започнува продажбата на новиот модел Revuelto. Компанијата веќе соопшти дека нарачките се полни за првите две години од производството, што значи дека иднината е светла.
„Оперативниот резултат од 723 милиони евра заедно со оперативната маржа од 27,2 отсто се јасни знаци дека усвоената стратегија е здрава. Тоа ни овозможува да гледаме кон иднината и плановите за наредните години со нови и предизвикувачки цели“, рече тој.
Оваа година Lamborghini планира да претстави plug-in хибридна верзија на Urus, како и наследникот на Huracan. Двата модели веројатно ќе се продаваат во многу поголем број од хиперавтомобилот V12.
