Дваесетгодишниот фудбалер Раул Моро бил претепан и ограбен на автопат од група лажни полицајци, пренесе ESPN.
Младиот фудбалер бил во друштво на својот татко во автомобил Мерцедес А-класа кога бил блокиран од друг автомобил, од кој излегле четворица лажни полицајци. Криминалците ги претепале таткото и синот, го зеле автомобилот и потоа им се губи трагата.
Разбојниците експресно избегале од местото на настанот додека фудбалерот и неговиот татко биле превезени во локална болница. Подоцна автомобилот бил пронајден.
Моро во 2019 година пристигна во Лацио од редовите на младинската школа на Барселона.