Откако се појави информација дека постои можност поранешниот американски претседател да биде уапсен, социјалните мрежи се преплавија со монтирани фотки од неговото апсење.
Елиот Хигинс, основач на истражувачката куќа со отворен код Bellingcat, неделава читал за очекуваното апсење на Доналд Трамп и сфатил дека сака да го визуелизира.
Се свртел кон уметничкиот генератор на вештачка интелигенција, давајќи ѝ на технологијата едноставни упатства, како на пример: „Доналд Трамп паѓа додека го апсат“.
Ги сподели резултатите, слики на поранешниот претседател опкружен со полицајци, а нивните значки се заматени и нејасни.
„Правејќи слики од апсењето на Трамп додека се чека апсењето на Трамп“, твитна тој.
„Само се шегував. Мислев дека можеби пет луѓе ќе го ретвитнат“, изјави Хигинс во едно интервју.
Два дена подоцна, неговите објави во кои се опишува настан кој никогаш не се случил, се прегледани речиси 5 милиони пати, чудејќи се на леснотијата со која тие можат да бидат применети и нивниот потенцијал да создадат конфузија во променлива средина, според The Washington Post.
Оваа епизода, исто така, покажува отсуство на корпоративни стандарди или владини регулативи кои се занимаваат со употреба на вештачка интелигенција за создавање и ширење невистини.
