Интересно ќе биде и во второто по ранг европско клупско натпреварување каде жрепката сакаше македонскиот репрезентативец да ги одмери силите со Барселона.
Елиф Елмас и Наполи немаа среќа во денешната попладневна жрепка откако Џорџо Маркети и Андрес Палоп им сместија двобој со заспаниот џин Барселона. Каталонците засега имаат разочарувачка сезона, но со новиот тренер Чави имаат и тоа како време да ги наместат коцките и Наполи да искуси една препородена Барса.
Аријан Адеми и Стефан Ристовски со нивниот Динамо за противник го добија мајсторот за Лига Европа, шпанска Севиља - најтрофејниот клуб во ова натпреварување.
Бобан Николов и молдавското чудо Шериф ќе играат против Брага, тим против кој можат да направат ново изненадување.
Аталанта - Олимпијакос
Лајпциг - Реал Сосиедад
Наполи - Барселона
Зенит - Бетис
Борусија - Ренџерс
Шериф - Брага
Порто - Лацио
Натпреварите се закажани за 17 февруари, а реваншите една недела подоцна.
Ова е всушност плеј-оф рунда која ќе ги даде осумте патници во осминафиналето каде првопласираните од осумте групи го чекаат својот противник. Во денешната жрепка учествуваа второпласираните од групите како и тимовите елиминирани од Лигата на шампионите како третопласирани во своите групи.