Повеќето луѓе имаат тенденција да земаат лекови од „домашната аптека“ веќе по првите симптоми на настинка.
ХГипохондриците веднаш закажуваат лекар или посегнуваат по „стари“ антибиотици, што е сосема погрешно, истакнуваат експертите.
„Тоа е огромна грешка бидејќи не е важно дали веднаш ќе започнете со лекување или дури откако симптомите ќе се влошат. Резултатите се исти, само настинката мора да помине сама од себе“, објаснува лекаротАбас Канани. Всушност, поентата е дека лековите не лекуваат настинка, туку само ги ублажуваат симптомите.
„Не прави голема разлика кога ќе почнете да земате лекови за настинка бидејќи тие немаат никакво влијание врз природата на самиот вирус кој ќе напредува без оглед на тоа дали ги земате или не. Сите тие се само олеснување на симптомите“, објасни Канани.
Тој додава дека настинката во просек трае и до 10 дена.
Друга од најчестите грешки е употребата на стари антибиотици. Тие, исто така, не можат да помогнат во лекувањето на настинки, а освен тоа, опасно може да биде и земањето антибиотици кои сте ги користеле за претходни терапии.
„Повеќето настинки се предизвикани од вируси, а не од бактерии, така што апсолутно нема потреба да земаат антибиотици, но некои луѓе ќе се одлучат да земаат антибиотици што им останале од порано, а често се случува да ги позајмат од други членови на семејството или пријателите. Тоа сум го видел многупати, не правете го тоа, само настинка е, само вирусна инфекција, ќе помине“, објасни тој и предупреди на недоволно внесување вода.
„Хидратацијата и правилната исхрана се од исклучителна важност за вашето здравје, а особено се важни кога сте настинати. Дехидратацијата само ќе ве оптоварува уште повеќе бидејќи вашето тело мора многу повеќе да работи кога не е хидратирано. Затоа пијте доволно течности. Исто така, внимавајте на внесот на храна бидејќи иако можеби имате послаб апетит кога сте болни, не прескокнувајте ги оброците бидејќи така само ќе се чувствувате полошо“, објаснува Канани.