Ракот е смртоносна болест која се јавува кога абнормалните клетки растат и се делат неконтролирано, а потоа може да се прошири на околните ткива и органи.
Постојат повеќе од 200 видови на рак, кои се категоризираат според тоа каде започнуваат во телото. Тоа може да влијае и на можните предупредувачки знаци на оваа болест. Сепак, не сите симптоми се познати или очигледни.
Д-р Рози Годесет предупреди на знаци на смртоносен рак што лесно може да се игнорираат или да се помешаат со нешто друго.
Таа откри пет знаци на рак на јајниците.
„Ракот на јајниците често се дијагностицира доцна, но раната дијагноза може да значи дека е полесно да се лекува. Често се нарекува ‘тивок убиец’ во медиумите бидејќи многу од симптомите често се нејасни и неспецифични“, изјави таа.
Ова се знаците што таа ги издвои.
Постојано чувство на надуеност
Абдоминална непријатност
Брзо чувство на ситост за време на оброк или тешкотии при конзумирање на вообичаената количина на храна.
Потребата за мокрење почесто од нормално или чувството дека секогаш мора да уринирате.
Докторката посочува: „Покрај горенаведените знаци, болки во грбот, болки при сексуален однос, замор, запек, како и промени во вашиот менструален циклус (било да е нередовно крварење, пообилно крварење од нормалното и сл.) и неочекувано слабеење , исто така, може да бидат симптоми за појава на рак на јајниците“.
Доколку искусиме некакви необјаснети знаци, д-р Годесет советува да разговараме со лекар.
