Американската вселенска агенција објави фотографии од Сатурн снимени непосредно пред крајот на мисијата на леталото Cassini на 15 септември, 2017 година.
Cassini 13 години ја проучуваше шестата планета од Сонцето и во тој период испрати илјадници фотографии до Земјата.
Два дена пред да изгори во атмосферата на Сатурн, Cassini го направи последниот мозаик од планетата, составен од 80 фотографии снимени во рок од два часа, на кои всушност го сними и местото каде згасна засекогаш.
НАСА издвои 42 и од нив ја направи последната детална фотографија на планетата со наслов „Збогум, Сатурн“
Сондата Cassini изгоре влегувајќи во атмосферата на Сатурн и на тој начин се стопи со планетата што почна да ја проучува во 1997 година.
Cassini е единственото вселенско летало што некогаш кружело околу Сатурн. Овозможи голем број откритија, како постоењето на океани на сатурновите месечини Енцелад и Титан.
Cassini стигна до Сатурн во 2004 година и тогаш почна да прибира податоци со помош на 12-те инструменти на себе. Со леталото работеше и сондата Хајгенс што слета на Титан во 2005 година.
Во 2017 година се потрошија залихите гориво на Cassini и НАСА одлучи да го насочи леталото кон „големото финале“ со кое легендата ја заврши својата мисија.
