Оваа салата со пилешко и јаболка може да биде целосен оброк во кој ќе уживате во летните горештини, без многу напор за подготвување.
Состојки (за 2 лица)
- 100 гр варено пилешко
- 80 гр мајонез или павлака
- 2 средни јаболка
- сок од 1 лимон
- 50 гр кромид
- 2 лажички кафеав шеќер
- зачини по желба
Подготовка:
Изладете го пилешкото што сте го свариле во посолена вода и исечете го на коцки.
Исечете ги јаболката со кора на коцки и прелијте ги сок од лимон за да не потемнат.
Ставете го пилешкото во сад, додадете мајонез, јаболка, кромид и кафеав шеќер.
Доколку сакате, мајонезот можете да го замените со кисела павлака.
Лесно измешајте ја салатата, украсете ја со јаткасти плодови по желба и сервирајте.
