Полскиот напаѓач Роберт Левандовски ја истакна желбата да го напушти Баерн откако Барселона покажа интерес за него.
Левандовски верува дека неговиот потенцијален трансфер може да биде корисен за него и за баварскиот клуб, кој на тој начин би го „заработил“.
„Имам уште една година од договорот со Баерн, па побарав од клубот да го дозволи трансферот. Мислам дека ова е најдоброто решение во сегашната ситуација, особено затоа што клубот може да добие пари од трансферот. Не сакам да форсирам што било, не се работи за тоа, туку за наоѓање најдобро решение. Мора да „оладиме“, сакам да разговараме мирно, а не преку медиумите. Се надевам дека фановите еден ден ќе разберат“, изјави Левандовски за Bild.
Двете страни во последните недели си испраќаа пораки преку медиумите. Левандовски не се откажува од намерата да си замине ова лето, а Баерн не сака да го пушти. Сепак, тензиите се намалија откако Левандовски пред неколку дена се сретна со спортскиот директор на баварскиот клуб Хасан Салихамиџиќ.