Премиерлигашот официјално потврди дека е дојден крај на соработката со македонскиот фудбалер и му се заблагодари за четирите години минати на „Еланд Роуд“.
„Лудс Јунајтед потврдува дека четиригодишната соработка на Џани Алиоски со клубот нажалост заврши“, објави клубот на Twitter.
„Сите во клубот му посакуваме се најдобро, убавите заеднички моменти ќе ни останат во сеќавање. Благодариме Џани“, додаде клубот на својата официјална веб-страница.
Цела пролет наголемо имаше разно-разни шпекулации дека Алиоски ќе го напушти клубот, но ништо од тоа не се оствари Сепак, неговиот договор истече, не беше продолжена соработката, па така Алиоски допрва ќе бара нов клуб.
Шпекулациите велат дека би можел за заврши во Турција или Италија.
Алиоски дојде во Лидс летото 2017 година од редовите на швајцарски Лугано. Му помогна на клубот да се врати во Премиер лигата после 16 години, а воедно ја освои и Чемпионшип лигата. Одигра вкупно 171 натпревар во сите конкуренции и постигна 22 гола.
