Јирген Клоп дефинитивно нема да смета на одличниот голман откако Бразилецот поради повреда воопшто и не допатува во Истанбул.
Алисон Бекер се повреди уште во првото полувреме од отворањето на новата сезона во Премиер лигата во петокот кога Ливерпул го совлада Норвич со 4:1.
Денеска Ливерпул слета во Истанбул каде утревечер ќе ги одмери силите со Челси во Суперкупот на УЕФА. Покрај Алисон, „црвените“ ќе бидат и без повредениот Алекс Окслејд-Чејмбрлин.
Натреварот помеѓу победниците на Лигата на шампиони и Лигата на Европа ќе се одигра утре со почеток во 21.00 часот на „Водафон Парк“, домот на Бешикташ.