Лондонскиот музеј Хорниман ќе ѝ врати на Нигерија 72 артефакта украдени од Кралството Бенин во XIX век. Сопственоста на артефактите ќе биде доверена на нигериската влада.
Вкупно 72 артефакта ќе бидат вратени во Нигерија, вклучително и 12 месингани чинии познати како Бенински бронзи, месинган петел и клуч од кралската палата. Враќањето следува по барање на нигериската Национална комисија за музеи и споменици.
Музејот, кој се наоѓа во југоисточен Лондон, рече дека одлуката била донесена по консултации со заедницата, посетителите, учениците, научниците, експертите за наследство и уметниците од Нигерија и Обединетото Кралство. Тие рекоа дека враќањето на предметот е морален потег.
„Постојат јасни докази дека овие предмети се добиени насилно, а надворешните консултации го поддржаа нашиот став дека е морално и соодветно да се врати сопственоста на предметите на Нигерија“, рече Ева Салмон, директорка на музејот.
Минатата година Колеџот Џизс при Универзитетот Кембриџ, Универзитетот во Абердин и францискиот музеј Бранли на Нигерија и Бенин им вратија украдени вредни артефакти.
