Претседателот на Белорусија Александар Лукашенко повика на итен прекин на огнот во Украина за време на денешното обраќање до нацијата.
„Неопходно е да се прекинат воените дејствија и да се прогласи примирје, кое на двете страни ќе им забранува да преместуваат војници, оружје, муниција, персонал и опрема“, рече Лукашенко, пренесе CNN.
Во исто време, тој предупреди дека Москва ќе биде обврзана да ја искористи „целата сила на својот воено-индустриски комплекс и армија за да спречи ескалација на конфликтот - фосфорна муниција, неосиромашен ураниум и збогатен ураниум“ во случај Западот да употреби предложеното примирје за напад.
Руските власти брзо реагираа на изјавата на Лукашенко и изјавија дека итен прекин на огнот нема да ѝ помогне на Москва да ги постигне целите на својата „специјална воена операција“.
Тие додадоа дека го забележале советот на белорускиот претседател и дека Путин планира да разговара со него следната недела за предлогот.
